Kurali (sursaanjh.com bureau), 2 May:
ਮੇਰਾ/ ਰਾਜਨ ਸ਼ਰਮਾ ਕੁਰਾਲੀ
ਜਿਹੜਾ ਮੇਰੀ ਚੀਚੀ ‘ਤੇ ਵੀ
ਚੰਗਿਆੜੀ ਲੱਗਣ ’ਤੇ
ਕਦੇ ਬਰਫ਼
ਕਦੇ ਪੇਸਟ ਲਗਾਉਂਦਾ ਸੀ
ਤੇ ਫਿਰ ਰਾਤ ਨੂੰ ਉੱਠ ਉੱਠ ਕੇ ਵੇਖਦਾ ਸੀ
ਕਿੱਤੇ ਜ਼ਖ਼ਮ ਅੱਲਾ ਤਾਂ ਨਹੀਂ,
ਨਹੀਂ ਤਾਂ ਹੋਰ ਬਰਫ਼-ਪੇਸਟ
ਲਗਾ ਆਵਾਂ।
ਪਰ
ਮੈਂ ਅੱਜ ਉਸ ਨੂੰ
ਚਿੱਟੇ ਦਿਨੀਂ
ਭਰੀ ਸ਼ਮਸ਼ਾਨ ਵਿੱਚ
ਅੱਗ ਹਵਾਲੇ ਕਰ ਆਇਆ ਹਾਂ
ਤੇ ਫੇਰ ਕੁਝ ਦੇਰ ਬਾਅਦ ‘ਰਾਜਨ‘ ਵੇਖਣ ਵੀ ਗਿਆ
ਕਿ ਕਿਤੇ ਸਰੀਰ
ਜਲਣ ਤੋਂ ਬਚ ਤਾਂ ਨਹੀਂ ਗਿਆ
ਨਹੀਂ ਤਾਂ ਹੋਰ ਲੱਕੜੀ
ਲਗਾ ਆਵਾਂ।