ਕੈਨੇਡੀਅਨ ਇਕਨਾਮਿਕ ਮਾਈਗ੍ਰੇਸ਼ਨ ਵੀਜ਼ੇ ਲਈ ਟੈਸਟ ਦੀ ਸ਼ੁਰੂਆਤ

ਕੈਨੇਡੀਅਨ ਇਕਨਾਮਿਕ ਮਾਈਗ੍ਰੇਸ਼ਨ ਵੀਜ਼ੇ ਲਈ ਟੈਸਟ ਦੀ ਸ਼ੁਰੂਆਤ

ਚੰਡੀਗੜ੍ਹ (ਸੁਰ ਸਾਂਝ ਡਾਟ ਕਾਮ ਬਿਊਰੋ-ਹਰਦੇਵ ਚੌਹਾਨ), 5 ਫਰਵਰੀ:

ਪੀਅਰਸਨ ਇੰਡੀਆ ਨੇ ਆਪਣੇ  ਇੰਗਲਿਸ਼ ਲੈਂਗੂਏਜ ਪ੍ਰੋਫੀਸ਼ਿਐਂਸੀ ਟੈਸਟ ‘ਪੀਟੀਈ ਕੋਰ’ ਲਈ ਬੁਕਿੰਗ ਸ਼ੁਰੂ ਕੀਤੀ ਹੈ। ਪਿਛਲੇ ਸਾਲ  ਇਸ ਟੈਸਟ ਨੂੰ ਆਈਆਰਸੀਸੀ ਕੋਲੋਂ ਮਨਜ਼ੂਰੀ ਮਿਲੀ ਸੀ।

ਡਾਇਰੈਕਟਰ, ਪ੍ਰਭੁਲ ਰਵਿੰਦਰਨ ਨੇ ਇੱਥੇ ਦੱਸਿਆ ਕਿ ਹੁਣ ਕੈਨੇਡੀਅਨ ਨਾਗਰਿਕਤਾ ਲਈ ਸਥਾਈ ਇਕਨਾਮਿਕ ਇਮੀਗ੍ਰੇਸ਼ਨ ਦੇ ਉਦੇਸ਼ਾਂ ਲਈ ਅੰਗਰੇਜ਼ੀ ਭਾਸ਼ਾ ਦੀ ਮੁਹਾਰਤ ਦਾ ਸਬੂਤ ਪੇਸ਼ ਕਰਨ ਲਈ ਵੀ ਇਸ ਟੈਸਟ ਦਾ ਸਹਾਰਾ ਲਿਆ ਜਾ ਸਕਦਾ ਹੈ। ਪਹਿਲੇ ਪੀਟੀਈ ਕੋਰ ਟੈਸਟ ਵਿਚ 12 ਫਰਵਰੀ ਤੋਂ ਸ਼ਾਮਲ  ਹੋਇਆ ਜਾ ਸਕਦਾ ਹੈ। ਇਹ ਦੋ ਘੰਟੇ ਦੀ ਕੰਪਿਊਟਰ ਅਧਾਰਤ ਪ੍ਰੀਖਿਆ ਹੈ ਜੋ ਇੱਕ ਟੈਸਟ ਕੇਂਦਰ ਦੇ ਮਾਹੌਲ ਵਿੱਚ ਲਈ ਜਾਂਦੀ ਹੈ। ਇਸ ਦੇ ਤਹਿਤ ਅਗਰੇਜ਼ੀ ਭਾਸ਼ਾ ਦੇ ਚਾਰ ਮੁੱਖ ਹੁਨਰਾਂ ਜਿਵੇਂ ਕਿ ਬੋਲਣਾ, ਸੁਣਨਾ, ਪੜ੍ਹਨਾ ਅਤੇ ਲਿਖਣਾ ਆਦਿ ਨੂੰ ਜਾਂਚਿਆ ਜਾਂਦਾ ਹੈ।

ਉਨ੍ਹਾਂ ਦੱਸਿਆ ਕਿ ਪੀਅਰਸਨ ਦਾ ਇਹ ਨਵਾਂ ਟੈਸਟ ਕੈਨੇਡੀਅਨ ਸਰਕਾਰ ਦੀਆਂ ਮਾਈਗ੍ਰੇਸ਼ਨ ਲੋੜਾਂ ਦਾ ਸਮਰਥਨ ਕਰਨ ਲਈ ਇੱਕ ਵੋਕੇਸ਼ਨਲ ਅਤੇ ਅਸਲ ਜੀਵਨ ‘ਤੇ ਧਿਆਨ ਕੇਂਦਰਿਤ ਕਰਦੇ ਹੋਏ ਤਿਆਰ ਕੀਤਾ ਗਿਆ ਹੈ।