ਸਰਕਾਰੀ ਹਾਈ ਸਕੂਲ ਬੂਥਗੜ੍ਹ ਨੂੰ ਲੋਕ ਹਿੱਤ ਮਿਸ਼ਨ ਵੱਲੋਂ ਦੋ ਇਨਵਰਟਰ ਭੇਟ
ਚੰਡੀਗੜ੍ਹ 28 ਅਗਸਤ ( ਅਵਤਾਰ ਨਗਲੀਆਂ-ਸੁਰ ਸਾਂਝ ਡਾਟ ਕਾਮ ਬਿਊਰੋ):
ਸਰਕਾਰੀ ਹਾਈ ਸਕੂਲ ਬੂਥਗੜ੍ਹ ਵਿੱਚ ਮੁੱਖ ਅਧਿਆਪਕਾ ਰਵਿੰਦਰ ਕੌਰ ਦੀ ਪ੍ਰੇਰਨਾ ਸਦਕਾ ਲੋਕ ਹਿੱਤ ਮਿਸ਼ਨ ਦੇ ਪ੍ਰਧਾਨ ਸੁਖਦੇਵ ਸਿੰਘ ਸੁੱਖਾ ਕੰਸਾਲਾ ਵੱਲੋਂ ਲਗਭਗ 58 ਹਜ਼ਾਰ ਰੁਪਏ ਦੀ ਰਾਸ਼ੀ ਦੇ ਇਨਵਰਟਰ ਭੇਟ ਕੀਤੇ ਗਏ।
ਰਵਿੰਦਰ ਕੌਰ ਹੈਡ ਨੇ ਇਸ ਮੌਕੇ ਸੁਖਦੇਵ ਸਿੰਘ ਨੂੰ ਸਨਮਾਨਿਤ ਕੀਤਾ ਅਤੇ ਭਵਿੱਖ ਵਿੱਚ ਵੀ ਅਜਿਹੇ ਸਹਿਯੋਗ ਦੀ ਆਸ ਜਤਾਈ ਹੈ। ਸੁੱਖਾ ਕੋਸਾਲਾ ਨੇ ਦੱਸਿਆ ਕਿ ਲੋਕ ਹਿੱਤ ਮਿਸ਼ਨ ਵੱਲੋਂ ਸਮਾਜ ਸੇਵਾ ਦੇ ਕਾਰਜਾਂ ਵਿੱਚ ਵੱਧ ਤੋਂ ਵੱਧ ਯੋਗਦਾਨ ਪਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ।
ਉਹਨਾਂ ਨੇ ਸਰਕਾਰੀ ਹਾਈ ਸਕੂਲ ਬੂਥਗੜ੍ਹ ਵਿੱਚ ਆ ਕੇ ਪੂਰੇ ਸਕੂਲ ਦੇ ਪ੍ਰਬੰਧਾਂ ਦਾ ਜਾਇਜ਼ਾ ਲਿਆ ਅਤੇ ਇਹਨਾਂ ਪ੍ਰਬੰਧਾਂ ਪ੍ਰਤੀ ਸੰਤੁਸ਼ਟੀ ਜਤਾਈ। ਲੋਕ ਹਿਤ ਮਿਸ਼ਨ ਦੇ ਉਪ ਪ੍ਰਧਾਨ ਰਵਿੰਦਰ ਸਿੰਘ ਨੇ ਸਕੂਲ ਮੁੱਖ ਅਧਿਆਪਕਾ ਨੂੰ ਭਰੋਸਾ ਦਵਾਇਆ ਕਿ ਜਲਦ ਹੀ ਉਹ ਸਕੂਲ ਦੇ ਹੋਰ ਕੰਮਾਂ ਜਿਵੇਂ ਘਾਹ ਦੀ ਕਟਾਈ ਆਦਿ ਵਿੱਚ ਵੀ ਸਹਿਯੋਗ ਦੇਣਗੇ ਉਹਨਾਂ ਨੇ ਵਿਦਿਆਰਥੀਆਂ ਨੂੰ ਅਨੁਸ਼ਾਸਨ ਵਿੱਚ ਰਹਿਣ, ਮਾਪਿਆਂ ਦਾ ਸਨਮਾਨ ਕਰਨ, ਨਸ਼ਿਆਂ ਤੋਂ ਦੂਰ ਰਹਿਣ ਦੀ ਪ੍ਰੇਰਣਾ ਵੀ ਦਿੱਤੀ।
ਪੰਜਾਬੀ ਅਧਿਆਪਕਾ ਸੰਜੀਲਾ ਅਗਰਵਾਲ ਨੇ ਸੁਖਦੇਵ ਸਿੰਘ ਨੂੰ ਸਕੂਲ ਦੀਆਂ ਲੋੜਾਂ ਸਬੰਧੀ ਜਾਣੂ ਕਰਵਾਇਆ ਅਤੇ ਇਸ ਸਬੰਧੀ ਮੰਗਾਂ ਵੀ ਰੱਖੀਆਂ ਜੋ ਕਿ ਸੁੱਖਾ ਕੰਸਾਲਾ ਨੇ ਜਲਦ ਹੀ ਪੂਰੀਆਂ ਕਰਨ ਦਾ ਭਰੋਸਾ ਦਿੱਤਾ ਹੈ। ਸਮੂਹ ਸਟਾਫ ਵੱਲੋਂ ਸੁਖਦੇਵ ਸਿੰਘ ਸੁੱਖਾ ਕੰਮਾਲਾ ਅਤੇ ਰਵਿੰਦਰ ਸਿੰਘ ਉਪ ਪ੍ਰਧਾਨ ਅਤੇ ਲੋਕ ਸੇਵਾ ਹਿਤ ਮਿਸ਼ਨ ਦੀ ਖੂਬ ਸ਼ਲਾਘਾ ਕੀਤੀ ਗਈ। ਮੁੱਖ ਅਧਿਆਪਕਾ ਨੇ ਦੱਸਿਆ ਕਿ ਇਕ ਇਨਵਰਟਰ, ਦੋ ਬੈਟਰੀਆਂ ਵਾਲਾ ਅਤੇ ਇੱਕ, ਇੱਕ ਬੈਟਰੀ ਵਾਲਾ ਹੈ ਅਤੇ ਨਾਲ ਹੀ ਇੱਕ ਇਨਵਰਟਰ ਰੱਖਣ ਲਈ ਟਰਾਲੀ ਵੀ ਦਿੱਤੀ ਗਈ ਹੈ।
