ਲੋਹੜੀ ਮੁਬਾਰਕ/ ਜਸਵਿੰਦਰ ਸਿੰਘ ਕਾਈਨੌਰ
ਨਵੇਂ ਸਾਲ ਦੇ ਤਿਉਹਾਰਾਂ ਦੀ,
ਕਰਦੀ ਹੈ ਸ਼ੁਰੂਆਤ ਲੋਹੜੀ।
ਬੱਚਿਓ! ਇਕੱਠੇ ਹੋਕੇ ਮੰਗੋ ਲੋਹੜੀ,
ਲੋਹੜੀ-ਐ-ਬਈ ਲੋਹੜੀ।
ਫਿਰ ਮੁੰਡੇ ਦਾ ਦਾਦਾ, ਦੇਊਗਾ ਗੁੜ ਦੀ ਰੋੜੀ।
ਕੋਈ ਘਰ ਦੇਊਗਾ, ਖਿੱਲਾਂ ਤੇ ਮੂੰਗਫਲੀ।
ਕੋਈ ਘਰ ਦੇਊਗਾ, ਗੱਚਕ ਤੇ ਰਿਓੜੀ।
ਫਿਰ ਪਾ ਕੇ ਸਾਂਝ ਭਾਈਚਾਰੇ ਦੀ,
ਇੱਕਠੇ ਹੋ ਕੇ ਬਾਲੋ ਲੋਹੜੀ।
ਤਿਲਾਂ ਦਾ ਮੱਥਾ ਟੇਕ-ਕੇ,
ਖਾਓ ਮੂੰਗਫਲੀ ਗੱਚਕ ਤੇ ਰਿਓੜੀ।
ਚੁਟਕਲੇ ਤੇ ਗੀਤ ਸੁਣਾਂਦੇ ਜਾਓ।
ਲੋਹੜੀ ’ਤੇ ਖੂਬ ਕਰੋ ਮਨੋਰੰਜਨ।
ਵੰਡਦੇ ਜਾਓ ਤੇ ਖਾਂਦੇ ਜਾਓ,
ਮੂੰਗਫਲੀ, ਗੱਚਕ ਤੇ ਰਿਓੜੀ।
ਵੱਡਿਆਂ ਨੂੰ ਖੂਬ ਦਿਓ ਸਤਿਕਾਰ,
ਛੋਟਿਆਂ ਨੂੰ ਗਲ਼ ਲਾਉਂਦੇ ਜਾਓ।
ਖੂਬ ਨੱਚੋ ਤੇ ਖੁਸ਼ੀਆਂ ਮਨਾਓ,
ਖੁਸ਼ੀ-ਖੁਸ਼ੀ ਮਨਾਓ ਲੋਹੜੀ।
‘ਜਸਵਿੰਦਰ’ ਦੀਆਂ ਅਸੀਸਾਂ ਉਨ੍ਹਾਂ ਦੇ ਨਾਲ,
ਜਿਹੜੇ ਰਲ-ਮਿਲ਼ ਮਨਾਉਣ ਲੋਹੜੀ,
ਇਹ ਕਲਮ ਫਿਰ ਕਹੇ ਤੁਹਾਨੂੰ,
ਲੋਹੜੀ ਮੁਬਾਰਕ, ਮੁਬਾਰਕ ਲੋਹੜੀ।
ਜਸਵਿੰਦਰ ਸਿੰਘ ਕਾਈਨੌਰ, 98888-42244
